Her Art in Action
Mənzərəsi Olan Ev
8 Mart – 31 May

“Her Art in Action” festivalının 2026-cı il buraxılışının mövzusu olan “Mənzərəsi olan ev” rəssamları qadın təcrübəsi çərçivəsində “ev” anlayışını necə yaratdıqlarını, müəyyənləşdirdiklərini, yenidən formalaşdırdıqlarını və meydan oxuduqlarını araşdırmağa dəvət edir. Mövzu qadınların məişət məsuliyyətlərindən kənarda özlərinə məxsus bir məkan yaratmaq ideyasından ilham alaraq, ictimai və şəxsi həyat arasındakı ziddiyətlər üzərində düşünmək imkanı yaradır. Bu kontekstdə “ev” qadınların özləri üçün məkan yaratmaq, bu məkanı tənqid etmək, mənimsəmək və ya geri qazanmaq cəhdlərini düşünülmüş şəkildə araşdırmaq üçün bir platforma rolunu oynayır.
“Ev” neytral anlayış deyil; o, ailə, nostalgiya, bilik, həsrət, gözləntilər, ekoloji məsuliyyət və icma fəallığı kimi ziddiyyətli qatlarla yüklənmişdir. Biz rəssamları “ev” anlayışını formalaşdıran çoxsaylı qüvvələri, məsələn, torpaq mülkiyyəti, məcburi köç və miqrasiya kimi perspektivləri düşünməyə təşviq edirik. “Ev” hər zaman fiziki məkan olmur — o, bəzən bir ritual, münasibət, xatirə və hətta bədən kimi də çıxış edir. Biz ən şəxsi səviyyədən ən geniş perspektivə qədər “ev” anlayışının bütün incəlikləri ilə rəssamlar üçün nə ifadə etdiyini bilmək istəyirik. Ən gözlənilməz yerlərdə və münasibətlərdə “ev”in necə yaradıla biləcəyi barədə düşünməyə dəvət edirik.

Kuratorlar: Lesli Qrey, Sitarə İbrahimbəyli, Məhinbanu Səfixanlı