Analıq Məzuniyyəti, 2024

Səs instalyasiyası

“Analıq Məzuniyyəti” adlı əsər cəmiyyətə analığın nə qədər məsuliyyətli əmək olduğunu nümayiş etmək məqsədilə ərsəyə gəlib və *“məzuniyyət” deyilən periodu nə qədər çətin olduğunu göstərmək istəyirəm. Övladına görə qadın üçün 3 ilə yaxın məzuniyyət verilir ki, həm dincəlsin, həm də övladının qayğısına Hər qadın 3 il məzuniyyət haqqından istifadə etməsə də, professional həyatı ilə bir müddətlik də olsa sağollaşmalı olur. Bu da onun karyerasına böyük zərbə vura biləcək bir faktordur. Əslində məzuniyyət sözünün mənasına baxsaq “istirahət” deməkdir. qalsın. Lakin bu “istirahət” deyilən hissə əslində çox səbr, əzm və güc tələb edən 24/7 qrafikli bir iş rejimidir. Çünki evdə oturan qadın uşaq qayğısından əlavə ev işləri ilə də məşğul olur. Ona görə də cəmiyyətin “evdə oturursan”, “işləmirsən, kef edirsən” deməklə qadını küçümsəməsinə son qoyulmasını və lazım olduqda kimdənsə ev işlərində və ya uşaq baxımında kömək istəməsinə çəkinməməyə çağırıram.

1 il öncə ana oldum və iş həyatıma müvəqqəti olaraq qayıtmamağı seçdim. Bu son 1 ili daha çox evdə keçirdiyim üçün ətrafımda olan səsləri əbədiləşdirmək istədim, çünki bu səslər çox sürətlə dəyişir və böyüyür. Dinləyəcəyiniz audioda həm qızımın səsi (yemək yeməsi, gülüşü, ağlamağı, istifadə etdiyi oyuncaqları, ilk sözləri və s.), həm də məişətdə istifadə etdiyim cizahların səsidir (çaydan, paltar yuyan maşın, qaz plitəsi və s.). Səslər gündəlik olaraq bir-birinə qarışır və bir insanı narahat edə biləcək qədər yüksək və bezdirici ola bilər, amma bu bir reallıqdır. Gözünüzü yumsanız da bir ananın/qadının həm yuxusuz, həm yorğun, həm də özünü tənha və qaranlıqda hiss etməsini təsəvvür edə bilərsiniz.
* məzuniyyət – (is., ərəb mənşəli söz) – İşləyən adama istirahət, müalicə və s. üçün verilən müəyyən vaxt.
Epiloq

Ana olmamışdan öncəki həyatın üçün darıxmağın NORMALDIR.

Övladını atası ilə baş-başa qoymaq NORMALDIR.

Övladını dayəyə/bağçaya/nənəyə buraxmaq NORMALDIR.

Özünü yetərsiz hiss etmək NORMALDIR.

Özünü övladına qarşı günahkar hiss etmək NORMALDIR.

Kimdənsə ev işlərində kömək istəmək NORMALDIR.

Doğum sonrası depressiyanı hiss etmək NORMALDIR.

Heç bir iş görmədən uzanmaq NORMALDIR.

Ağlamaq NORMALDIR.

Yox demək NORMALDIR.