Yenidən doğuş, 2025

Kətan üzərində qarışıq texnika

80 x 110 sm

Bu əsərdə rəssam, qadınların öz həyat yolunda xəyallarına çatmaq üçün öz yollarını taparkən qarşılaşdıqları daxili dünya və mübarizələrini təsvir edir. İnsan dünyaya gəldikdən sonra həyat ona müxtəlif çətinliklər gətirir ki, bu da onun özünü inkişaf etdirməsinə və daxili potensialını kəşf etməsinə kömək etsin. Zaman keçdikcə insan yalnız özünü anlamaqla qalmır, həm də ətrafındakı dünyanı daha dərin şəkildə dərk edir. Bu sınaqlar dolu yol, insanın həyatı başa düşməsinə və böyüməsinə kömək etmək məqsədini güdür. Bu yol seçimlər, maneələr və mübarizə ilə dolu olsa da, yalnız bu prosesi keçərək insan özünü tapa, həyatın dərslərini öyrənə və daha dərin bir mənada mənlik əldə edə bilər.

Göyə ultrabənövşəyi işıqla baxdıqda matris kodları—ikili kod sisteminin 1 və 0-ları—görünür. Bu, kainatın müəyyən bir proqram üzrə fəaliyyət göstərdiyini ifadə edir; 1 və 0 isə varlıq və yoxluq oyununu simvolizə edir. Rəqəmlərin arasında Qurani-Kərimdən “Biz ölüləri dirildir, onların etdiklərini və qoyduqları izləri qeydə alırıq” ifadəsi yazılmışdır. Bu, etdiyimiz hər bir əməlin ruhumuza, dünyaya və gələcək həyatlara təsir etdiyini bildirir.